Blaogin'i tsamisara

Ho antsika Malagasy !

Kristianina ve isika sa mpandala ny nenti-ndrazana ? Iza no manana valiny mahafapo amin'io fanontaniana io ? Satria hitako fa ny tsy fisian'ny valiny mahafapo amin'io fanontaniana io no mahatonga ny fahoriantsika amin'izao fotoana izao.

Ohatra akaiky : raha misy fahoriana, aiza isika no handevina ? Any amin'ny fasa-ndrazana no valiny mahazatra. Ka moa ve ny fasa-ndrazana malagasy mifanaraka amin'ny fivavahana kristianina ? Na dia tsy nijery mpanandro aza ianao tamin'ny andro fandevenana. Na dia tsy mamadika aza ianao. Na dia tsy mitandro andro fady aza. Inona ny zavatra mitranga ?

Eto dia deraiko manokana ny fiangonana Jesosy Mamonjy (tsoriko aloha fa tsy kristianina ny tenako). Ny azy ireo dia mazava ny fomba atao : alevina tsotra fotsiny ny razana dia vita. Tsy misy mpanandro, tsy misy famadihana, tsy misy fankalazana ny 1er novembre.

Ny fidiranao ao amin'ny fasa-ndrazana ka ahitanao ireo faty efa maina ka manjary mahatonga ny fanirinao hamono lamba azy ireo dia tsoriko fa tsy araka ny fivavahana kristianina na dia tsy mahay baiboly aza ny tenako. Raha misy afaka mandà izany dia angatahina izy hamosaka ny heviny eto.

Ohatra iray fotsiny iny noraisiko iny fa betsaka ny Malagasy ankehitriny no mpampifangaro ny zavatra tsy tokony hifangaro ka izany araka ny hevitro no mahatonga antsika iharan'izao fahantrana tsy roa amantany izao. Tsy fantatry ny Malagasy ny tena maha izy azy ankehitriny ka mahatonga azy hanaonao foana. Dia izao no vokany.

Amin'ny manaraka tohizako.

Misaotra indrindra.

Ity no lahatsoratra voalohany ao amin'ny blaoginao. Azonao fafaina na ovaina ao amin'ny Toeran'ny mpandrindra ity lahatsoratra andrana ity.
Misaotra anao mampiasa ny Blaogy.